Peter e Ivan Koubek non teñen nada en común, salvo o feito de ser irmáns e estar atravesando o loito pola morte do seu pai. Peter, aos seus trinta e poucos anos, é un carismático e reputado avogado dublinés de apariencia inquebrantable que se medica para poder durmir e manexar a relación sentimental que mantén con dúas mulleres moi diferentes: o seu eterno primeiro amor, Sylvia, e Naomi, unha estudante universitaria que non se toma a vida moi en serio. Ivan, de vintedous anos, é un xadrecista profesional de carácter inflexible e reservado, que se ve a si mesmo como a antítese do seu irmán, ao que considera superficial e demasiado falador. Nun torneo de xadrez celebrado poucos días despois do funeral do pai, Ivan coñece a Margaret, unha muller divorciada catorce anos maior ca el. Na intimidade da súa soidade compartida nace unha forte conexión, e as súas vidas entrelazaranse rápida e intensamente.