Paloma, Céleste, Sierra e Apolline son como as demais mozas do instituto e, á vez, non o son. Raras, rexeitadas, un pouco brutas e apartadas do resto, cada unha leva a súa soidade á súa maneira ata que Chelonia reúneas para formar «o club das marxinadas». O obxectivo? Unir forzas e diferenzas para crear o apoio que lles falta e, xuntas, conquistar un a un os seus demos. Pero serve de algo iso de ter amigas cando a vida parece ser tan dura e complicada?